IMINSA YA MUPAALWA MANUEL DOMINGO Y SOL: NKOMBE YA BWITE BWA BUSHIMAPEPO

Ulwimbo lwa pa kwingila:        Mateo 9: 38

Kanshi akulombeeni umwine-fisabo atume abamilimo ku kumuseepela.

 Isali lya Cilonganino:

We Lesa wesu, uwasokolwelele umupaalwa Manuel Domingo y Sol ubukankala bwa bwite bonse, ukucila ubwite bwa bushimapepo; twapa­pata, fumfumuna abatumishi abengi abakubomba mwibala lyobe no kuba abaipeela pa kukutumika Iwe wine no kukonka ubwite bobe. We waikala pamo na Lesa Tata, na Mweo Mutakatifu mu bufumu bwa pe na pe ..... AMEN.

Atemwa:

 We Lesa wesu, uwasokolwelele umupaalwa Manuel Domingo y Sol ubu­kankala bwa bwite bonse, ukucila ubwite bwa bushimapepo; twapapata, fumfumuna abatumishi abakubomba mwibala lyobe, na bambi abengi abaipeela pa kwasuka ubwite bobe. Ku maka ya kwa Kristu Imfumu yesu ..... AMEN.

Ifunde lya pa kubala:         MWAKA A = Yeremia 1: 4-9 MWAKA B = Filipi 3: 8-9 + 13-14 MWAKA C = Efesi 1: 3-10.

Umushikakulo:       39. Icankulo: Epo ndi, we Mfumu, naaisa pa kucita ifyo ufwaya.

 Umutatakulo:        Yoani 15: 16 Temwe mwansalile iyoo, nine na­musalile; kabili nalimusonta pakuti mukaye mukatwale ifitwalo, ne fitwalo fyenu fikekalilile.

Imbila Nsuma:       MWAKA A = Mateo 9:35-38 / MWAKA B = Luka S: 1-I1 / MWAKA C = Yoani 1T 1-21.

Amasali ya Cilonganino:

1 - Natulombeleko Eklesia Katolika, eshibe ukukonka ubwite bwa ku­sandulule Mbila Nsuma mu mashiwi ne micitile isuma...Wingatuumfwa we Mfumu: Twapapata utuumfwe.

 2 - Natulombeleko Papa wesu na Bashikofu wesu batungululwe no ku­koshiwa kuli Mweo Mutakatifu, pakuti beshibe ukuceme mpanga shabo...Wingatuumfwa we Mfumu

3 - Natulombelekobashimapepo, inkolokolo sha cisumino na batumishi bambi pakuti babomfye ubwite bwabo ubwa kutumika ne nsansa...Wingatuumfwa we Mfumu:

4 - Natulombeleko abo abaumfwa ubwite bwa bushimapepo, bakonke icilangililo cakwa Manuel Domingo y Sol; elyo beshibe ukuipeelesha no kuipekanya bwino pa kubomba umulimo wa butumishi muli Eklesia na muno calo...Wingatuumfwa we Mfumu: 

5 - Natulombeleko imisepela ileba abaklistiani abapwililika, nabo bene bakonke ubwite bwabo...Wingatuumfwa we Mfumu. 

6 - Natuilombele fwe bene, twishibe ukupeela bunte bwa bwite bwa kuba abana bakwa Lesa...Wingatuumfwa we Mfumu.

..........Umfwa amasali yesu, we Lesa, leka naifwe twitwe muli Kristu, tumukonke nga bamunyina abasubila ukwingila mu lukuta lukalamba ulwa bwina Lesa, Ku maka yakwa Kristu Imfumu yesu...AMEN.

Isali lya pa Mutuulo:

Lesa Tata, we wa luse lonse, apo watutemwisha nganshi mpaka no kutupeela Umwana obe umo mpo, leka tuituule pamo nankwe ilambo ili ilyacindamisha. Ku maka ya kwa Kristu Imfumu yesu...AMEN.

Ukupoke Mfumu:        1 Yoani 3: 16.

Ici eco twaishibilako icitemwiko ifyo caba; pantu Klistu alekele umweo wakwe pali baifwe, nefwe bene tulingile ukupose myeo yesu pa mulandu wa bamunyinefwe.

 Isali lya kulekelesha:

Twaikuta nomba, we Mfumu, pa bulambo bobe; elyo twapapata ukuti muli ii Nsakramenta ya citemwiko, wingaleka imbuto sha bwite shimene, pakuti abantu abengi basale nshila ya kukutumikila muli bamunonko. Twakulomba ku maka yakwa Kristu Imfumu yesu...AMEN.